Для тых, хто сапраўды любіць нашу родную мову, хто шануе памяць продкаў, хто цікавіцца, як яны жылі, якія мелі традыцыі, праведзена конкурсная праграма “ФЭСТ”. Вучні спрабавалі свае сілы ў веданні беларускага фальклору (загадак, прыказак, казак), этнаграфіі (прадметаў побыту, адзення, прылад працы і г.д), спадчыны (легендаў пра ўзнікненне гарадоў, пра міфічных істот), традыцый нашага народа.
Напрыканцы настаўнік звярнуўся да ўдзельнікаў гульні са словамі: “Зрэж дрэва – і лісточкі скурчацца, счарнеюць, ссохнуць. Сарві кветку – яна завяне і страціць сваю прыгажосць. Так і чалавек: забудзе сваіх продкаў, не будзе памятаць пра традыцыі, культуру – асуджаны на духоўную беднасць, шэрасць і аднастайнасць. Будзьце ж заўсёды памятлівымі, цікаўнымі, жывымі, удзячнымі сваім продкам”.
