Вечар сустрэчы выпускнікоў — добрая традыцыя, якая існуе ўжо доўгія гады ў нашай школе. Вось і 3 лютага 2024 года наша школа гасцінна сустракала сваіх выпускнікоў. У сценах установы адукацыі сабраліся выпускнікі розных гадоў і розных пакаленняў, але ўсіх іх аб’ядноўвала адно – гэта любоў да сваёй роднай школы і павага да сваіх настаўнікаў.
У гэтым годзе юбілейнымі былі выпускі 1974 г., 1979 г., 1984 г., 1989 г., 1994 г., 1999 г., 2004 г., 2009 г., 2014 г., 2019 г. . Сярод гасцей – настаўнікі, якія ўжо на заслужаным адпачынку, былыя класныя кіраўнікі выпускнікоў 1979 года Гімпель Сямён Сяргеевіч і Гімпель Ала Анатольеўна.
Выпускнікоў розных гадоў вітала дырэктар школы Н. Н. Адамушка, якая падзякавала выпускнікоў за тое, што не забываюць родную школу, пажадала прыемнага вечара і добрых успамінаў.
Праграма вечара была насычанай: сцэнкі, музычныя падарункі, танцы, інтэрв’ю з выпускнікамі.
Юбіляраў запрашалі падняцца на сцэну. Госці дзяліліся ўспамінамі са школьнага жыцця, успаміналі імёны настаўнікаў і вучняў, любімыя прадметы, дзякавалі настаўнікам за веды, атрыманыя ў сценах школы, расказвалі аб сваіх прафесіях, сем’ях. Арганізатар вечара Зінчанка Г. М. праводзіла з выпускнікамі вясёлыя і пазнавальныя конкурсы, інтэлектуальныя віктарыны.
Традыцыйна была выканана песня «Жураўлі», успомнілі і аб настаўніках і выпускніках школы, якіх, на жаль, ужо няма сярод нас. Нікога не пакінула раўнадушным гэтая добрая сустрэча з дзяцінствам.
Да новых сустрэч, нашы дарагія выпускнікі! Дзверы школы заўсёды адкрыты для вас!
