З мэтай паглыблення ведаў вучняў аб гістарычным мінулым беларускага народа, фарміравання прадстаўленняў аб генацыдзе беларускага народа ў гады Вялікай Айчыннай вайны і разумення каштоўнасці чалавечага жыцця і міру ва ўстанове адукацыі 14 студзеня 2025 года праведзены ўрок Памяці, прысвечаны 81-гадавіне трагедыі ў вёсцы Ала, дзе ў гады вайны нямецкімі карнікамі было знішчана за адзін дзень 1758 чалавек, з іх 950 дзяцей. У час мерапрыемства актуалізаваны веды вучняў аб Вялікай Айчыннай вайне, генацыдзе беларускага народа. Праведзена віртуальная экскурсія “Мемарыяльны комплекс Ала”, для вучняў І-ІV класаў прадэманстраваны відэаролік “Мемарыял на месцы спаленай нацыстамі вёскі Ала”, для вучняў V-ІХ,ХІ класаў – “Успаміны тых, хто выжыў у вёсцы Ала…Як нацысты яе знішчылі разам з людзьмі?”. Адказваючы на пытанні, вучні выказалі асабістыя меркаванні аб трагічных падзеях у вёсцы Ала, аб палітыцы генацыду, аб важнасці захавання гістарычнай памяці, аб каштоўнасці міра і жыцця. Зрабілі вывад, што помніць аб злачынствах нямецка-фашысцкіх захопнікаў вельмі важна, каб трагічныя падзеі ніколі не паўтарыліся на зямлі Беларусі. Памяць тых, хто аддаў свае жыцці дзеля міру на зямлі, вучні ўшанавалі мінутай маўчання.
